Shillong, Jylliew 27: U Jagadish Hiremani dkhot jong ka “National Commission for Safai Karamcharis” jong ka sorkar pdeng mynta ka sngi u la ong haba ia dei bad ka jingeh ha Themiew Mawlong dei ban ap ia ka kaiphot jong ka “High Level Committee” bad kum juh ia ka rai jong ka iing bishar.
Haba kren ha ki lad pathai khubor mynta ka sngi ha Raitong Building, u la ong ba kane ka jingeh ha kaba ia dei bad ki briew kiba sah ha katei ka jaka kam dei kaba dang thymmai hynrei ka dei kaba la slem bha kaba la mih na ka por sha ka por.
U la kylli ba balie ka Shillong Municipal Board ka ain jingthoh sha ki briew kiba sah ha kane ka jaka haba ka HLC kam pat ai ia ka kaiphot bad ka jingbishar ka dang iaid hapoh kashari, ha ka jingsha la dei ban ap bad ynda la ioh ia ka kaiphot jong ka HLC bad ka rai na iing kashari sa peit kein ia ka ei ba dei ban leh.
U la ong ba kine ki briew kila sah ha kane ka jaka mynta la 200 snem ei ei, la dei ban shah ia ki ban sah ha katei ka jaka namar kine ki dei ki nongtrei jong ka sorkar kiba trei ha ki ophis sorkar bapher bapher, ha ka jingshisha kila dei ban ailad ia ki ban sah ha katei ka jaka.
Ha dien ka jingiakynduh ia ki lada pathai khubor u la leit ban jngoh ia katei ka Themiew Mawlong ban ia kynduh ia ki briew kiba sah ha katei ka jaka ha ka jingdon lang ki magisatrate na ka District Adminstration.
