Shillong, Naiwieng 15: Mynta ka sngi ka jylla Meghalaya kala leh bha ha ki jingialehkai ha kaba la ioh ia ka nam ka nongjop ha baroh ki liang ha kane ka 2nd North East Olympic Games 2022.
Haduh mynta ka sngi ka jylla Meghalaya kala ioh 15 tylli ki takma ksiar, 9 tylli ki takma rupa bad 17 tylli ki takma rynong bad baroh ka jylla kala ioh haduh 41 tylli ki takma.
Lah ban pynkynmaw ba ha ka 1st North East Olympic Games 2018 kaba la long ha Manipur kala ioh tnag kawei ka takma ksiar bad mynta la ioh bun ka burom ka leit sha baroh kiba ia don bynta ba kyntiew ia ki kam ialehkai.
U bah Finely L Pariat la ong ba ka jylla ka don ia ka lat ban kyntiew kham bha shuh shuh ha ki kam ialehkai, dang don kam shuh shuh ban dang kham pynbha shuh shuh ban don ia ki jaka ialehkai kiba biang.
Ka jylla Assam kala ioh 12 tylii ki takma ksair, 6 tylli ki takma rupa bad 2 tylli ki takma rynong, ka jylla Manipur kala ioh 10 tylli ki takma ksiar, 14 tylli ki takma rupa bad 9 tylli ki takma rynong, ka jylla Nagaland kala la ioh 9 tylli ki takma ksiar, 4 tylli ki takma rupa, 10 tylli takma rynong.
ka jylla Tripura 2 tylli ki takma ksiar, 7 tylli takma rupa, 7 tylli ki takma rynong, ka Arunachal Pradesh ioh kawei ka 1 takma ha kam ki jingialehkai, ka Sikkim kala ioh 5 tylli ki takma rupa and wei ka takma rynong, ka jylla Mizoram kawei ka takma rupa.
Ka jingjop ia ka jylla Meghalaya ka long ba haduh mynta ka sngi jan miet ka dang ioh tang 3 tylli ki takma ksair ha kane ka NEOG 2022 kaba mut ka wan ha dien ka jylla Arunachal Pradesh namar kala ioh 35 ne 32 tylli ki takma katba ka jylla Manipur kala ioh 71 lane 70 tylli ki takma.
Ki nongialehkai kiba la ioh ia ka khusnam ba tbit tam kiba la tam ia ka 20 snem ki long u Neiketoulie Belho jong ka Nagaland, ha ka jingiamareh 100 m bad Long Jump champion. Na pdeng ki kynthei kibala palat ia ka 20 snem la ai sha ka N Chaoba Devi ka jylla Manipur, kabala ioh ia ka takma ksiar ha ka 800m bad 1500m.
U Arupjyoti Gogoi na Assam kaba dang hapoh jong ka 20 snem u la ioh ia ka nam nongialehkai bat bit tam bala ioh ia ka takma ksiar ha ka jingiamareh 100 m bad 200 m bad ka Niansai T na ka jylla Nagaland kala ioh ia ka nam ba tbit tam ha ka jingialehkai na ki kynthei kiba hapoh ka 20 snem namar kala ioh ia ka takma siar ha ka jingiamareh kaba 800 m bad 1500 m.
