Halor ka jingbuh ryntih ia ki kyreng ki nongtrei sorkar kynduh ka HYC ia u bah Prestone

Shillong, Jylliew 21: Mynta ka sngi ka seng HYC hapoh ka jingialam u President u bah Robert June Kharjahrin bad u general secretary u bah Roykupar Symrem lemb ad kiwei ki dkhot ka seng kila leit ban ai da ka jingthoh sha u Symbut myntri rangbah ka jylla u bah Prestone Tynsong ha kaba ia dei bad ka jingpyntreikam ia ka jingbuh ryntih ia ka jingdon ki nongtrei sorkar.

Haba kren ha ki lat pathai khubor ha dieng ka jingiakynduh ia u symbut myntri rangbah u bah Robert June Jahrim la ong ba ha dien ba ka  ingbishar jong ka Meghalaya High Court kala pynmih ia ka hukum ba yn nym lah ban pyntrei kam ia ka bhah kam ha ka jylla lada kam don kata ka jingbuh ryntih ha ka thung kam thungjam bad ka jingbuh ryntih ia ki kyrteng jong ki nongtrei sorkar.

Kane ka jingbuh ryntih ia ki kyrteng jong ki nongtrei sorkar kan long katkum ka jingdon ki jaidbynriew Khasi Jaintia, Garo bad kiwei ki jaidbynriew, ynda la dep ban buh ryntih ia ki kyrteng jong ki nongtrei sorkar sa lah ban pyntrei kam ia ka bhah kam kyrpang.

Ha dien kato ka rai jong ka High Court ka sorkar kala pynmih ia ka ophis memorandum ha ka 10th Jymmang 2022  ban batai kumno ban pyntrei kam ia kane ka jingbuh ryntih ia ki nongtrei sorkar ban pyntrei kam ia ka bhah kam kyrpang ha ki tnad sorkar, ha ki District bad ki Civil Sub Division.

Ka bynta kaba kongsan kaba la pynlong ia ka seng ban ia kynduh ia u symbut mytnri rangbah ka jylla ka long ban pan jingshai ha kaba ia dei bad ka bynta “F” ka dew ka ka bhah kam kyrpang kaba la don naduh u snem 1972 bad kawei ka bynta kaba mih ha u snem 1973 kaba ong ia ki kam ha ki District bym don ka jingpynkynriahkam na kawei ka District sha kaweipat kiba la thung da ka District Selection Committee ha ka jaka ban don 40% ia ki Khasi bad 40% ia ki Garo.

Ha ki District lane ha ki Sub Divisional, ki bym don ia ka jingpynkynriah kam na kawei ka District sha kawei ka District kaba mut kito ki kam Grade III lane Grade IV kiba la thung kam lyngba ki DSC lane kiba la shu thung da ki tnad sorkar kiba don ha ki District ka ong ba ha ka jaka ba kan don 40% Khasi 40%  Garo ka dei peit ban don 80%, kaba mut ha Garo Hills ki Garo kinioh 80% bad ha Khasi Hills ki Khasi kin ioh 80% ia kane ka seng ka mynjur.

Ka jingeh kaba don ha kane ka ophis memorandum ka long ba kane ka jingeh ka don ha ka mang bhah kam kaba naduh bas dang, ka long ba hap ban ia shuwa ia ki trai shnong lada ym don Khasi Jaintia ba apply lada dei sha Garo Hills, lada dei ha Khasi Hills ka long lada ym don Garo ba apply.

Haba phai sha Khasi Hills ki nongshong shnong Garo ki don bun bah, katba mut ba ha Garo Hills kin ioh 80% ha ka ioh kam ioh jan katba ha Khasi Hills hap ban ia sam mar 40%, kane ka dei ka jingshisha la ong u President ka HYC u bah Robertjune Kharjahrin.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet