Shillong, Iaiong 26: Mynta ka sngi ka seng FKJGP kala leit ban ia kynduh ia u mytnri kam bor ding u James K Sangma halor ki saw tylli ki mat kiba katah ia ki paidbah ka jylla ha kiba bun ki liang.
Ha kren ha ki lat pathai khubor u general secretary ka seng u bah D Khongsit u la ong ba ka jingwan ia kynduh ka seng ia u myntri kam bor ding ka long ha ki saw tylli ki mat, kawei ka dei halor ka jingpynlip light, na ka liang ka seng ka ong ba kane ka jingpynlip light kam dei ban ktah ia ki samla pule kiba don ha ki eksam mynta.
Ha kane ka jingiakynduh la iakren ruh ha kaba ai deib ad ka jingpynkiew kyrdan ia u wei u engineer ba dang ha dien da kaba pynkiew kyrdan ia u engineer ba dang kham khynnah ha ka kyrdan Director Distribution da kaba iaid lait pyrshah ia ki saw ngut kiwei kiba kham ha khmat jong u.
Na ka liang jong ka seng FKJGP kam dei ba ka don ka jingsngewpher jaidbynriew hynrei ka kdew ia ka jingbakla jong ka ophis ba kumno la pynkiew kyrdan ia u ba dang rit ha ka kam bad ieh pat ia kiba la kham hashuwa.
Haba ia dei bad ka jingmaramot ia ki Sub Station ka MeECL mynta kan aiti noh sha ki kompeni ban maramot ia ki kam nym leh shuh na ka MeECL, halor kane ka seng ka la pynsngew ha u myntri bad kwah ia ka jingshai sha ei ki briew kiba la trei kin poi lada la aiti sha ki kompeni.
Kawei pat ka phang ka long ba ka sorkar ka dei ban pyntrei kam ia ka bah thungkam ha ka jylla ha ki tnad sorkar lada ki dei makna ki kam trei sngi, namar kumba ka long mynta kam don shym kata ka jingbut ryntih ia kane ka bhah thung kam.
Halor kine ki saw tylli ki mat kiba ka seng kala wan ban ia kynduh na ka liang jong u President ka seng u bah W. Rani u la ong, haba ia dei bad ka jingpynlip light u mytnri u la ong ba ki hap ban leh namar ka MeECL kala ia kynduh ki jingeh hynrei kin peit ba kan nym ktah ia ki samla pule.
Haba ia dei bad ka jingthung kam ia u wei u engineer ha ka kyrdan Director bad ka jingai ia ki sub Station sha ki Kompnei ka sorkar kam peit ba ia kane ban pynbeit bad ba kan nym ktah ia kiba kam. Haba ia deib ad ka jingong ban but ia ka polisi bhah kam u myntri u la ong ba ka ophis kan sa leh ia kaba don kam.
