New Delhi, Nohprah 08: Mynta ka sngi kala don ka jingjia kaba sngewsih ha kaba ka helicopter kaba kit ia khlieh shipai jong ka Ri India u Bipin Rawat Chief of Defence kala hap ha jan Coonoor ha jylla Tamil Nadu, ha kane ka jingjia la don lang ka kurim jong u ka Madhulika Rawat, President ka DWWA bad 11 ngut ki shipai kiba ia don lang kila khlad ha kane ka jinghap ka Helicopter.
U General M M Naravane na ka liang jong ki shipai ki pynpaw ia ka jingsngewsih kaba khraw halor kane ka jingjia kaba sngewsih halor ka jingkhlad noh u General Bipin Rawat, Chief of Defence Staff bad ka kurim jong u ka Madhulika Rawat. Ha kane ka jingjia 11 ngut ki shipai ruh kila khlad.
Ha kane ka jingjia kaba sngewsih, u myntri rangbah duh jong ka Ri India u Narendra Modi u la pynpaw ia ka jingsngewsih kaba khraw halor kane ka jingjia kaba sngewsih, u myntri rangbah duh ka Ri India u la ong ba u General Rawat u dei u riew ieit ri bad u la dei u wei na ki heh shipai bala noh syniang shibun ha kaba wanrah ia ka jingkylla ha kaba pynbha ia ka kynhun shipai.
U Myntri kam pohing ka Ri India u Amit Shah ha ka khubor sngewlem la ong kane ka dei ka sngi kaba sngewsih kthangh ia ka Ri India ha kane ka jingduh noh ia u khlieh duh jong ki shipai ka Ri India ia u General Bipin Rawat, ka kurim bad ki 11 ngut ki shipai kiba don lang ha ka Helicopter. U myntri kam poh iing u duwai ruh na ka bynta ka jingkoit jingkhiah u Captain Varun Singh ba don ha pdeng ka jingshitom.
U Vice President ka Ri India u Venkaiah Naidu u pynpaw ia ka jingsngew kyndit bad ka jingsngewsih kaba khraw halor ka jingjia kaba sngewsih ha kaba u khliehduh ki shipai ka Ri India u la khlad noh ha kane ka jingjia kaba sngewsih ryngkat ka kurim jong u, ka jingsngewlem ka leit ruh sha kiba ha iing ha sem jong kito ki shipai kiba khlad ha kane ka jingjia kaba sngewsih.
