Shillong, Lber 13: Ka Meghalaya Editors’ and Publishers’ Association (MEPA) kaba dei ka synjuk jong baroh ki lad pathai khubor ha Meghalaya ka la pynlong ia ka jingialang ba shisien shi snem jongka ha Shillong Club ha ka 12 tarik u Lber (March), 2022.
Ha kane ka jingialang la wan shim bynta da ki editor, ki nongpynmih bad ki trai jong ki kotkhubor, ki magazine, ki news channels bad ki online media na ka jylla.
Ka jingialang ka la iakren sani halor kiba bun ki mat kiba iadei bad ki lad pathai khubor ha ka jylla, ki jingeh kiba ki lad pathai kbhubor ki iakynduh ha kaba iadei bad ki advertisement jong ka sorkar bad ruh ki kam kiba iadei bad ka bha ka miat jong ki nongpathai khubor. Ka jingialang ka la shim ruh bun tylli ki rai ia kiba yn sa rah da ka MEPA sha ka sorkar.
Ha kane ka jingialang la jied ruh ia ki nongkitkam bathymmai jong ka MEPA na ka bynta ka samoi treikam jong u 2022-23. U Bah R Monarch Shabong u la shah jied biang kum u president, U Bah Marcus M. Thaiang, u Rajib Chaudhury, Bah Raphael Warjri bad Bah Russel Nongrum kum ki vice president.
Bah John W. Thabah kum u general secretary, Bah Andrew W. Lyngdoh bad Bah Starfing Pdahkasiej kum ki joint secretary, Bah Kyrmenlang Uriah kum u organising secretary bad i Kong Deimebanda Blah kum ka treasurer.
Ki executive members ki kynthup ia i Kong Patricia Mukhim, Bah Deimaia Lang Siangshai, E M Jose, Purbasha Bhattacharjee, Bah Shan Shylla, Bah Apporlet Shabong, Bah Bankerlang Lapang bad Bah Bhabok Laloo.
