Shillong, Naitung 04: Ka jingpynbna jong u myntri rangbah ka jylla u Cornad K Sangma ban kyntiew kyrdan noh ia ka Mairang Civil Sub Division sha ka District kala pynkmen ia ki paidbah ka tei ka thain namar kane ka jingdawa ka dei kaba la slembha.
Katkum ki jingtip kiba la lah ban ioh ka long ba kane ka District thymmai kaba ym pat lah ban tip kin ai kyrteng kumno kan kynthup ia ki ar tylli ki Konstitwensi kata ka Mariang bad ka Mawthadraishan kiba hap hapoh jong ka West Khasi Hills District.
Wat la kam pat don ka jingpan jingmut ka ban long kaba wan na ka sorkar hynrei ka jingiakren kala sdang ha kaba kala buh ia ka jingkylli hato ka Sohiong Konstitwnesi kaba dei ha East Khasi Hills kan kynthup ha kane ka District kaba thymmai?.
U MDC jong ka Sohiong u bah Sherbor Mawlong haba kren ha u SP News Agency u la ong ba haduh mynta kam pat don kano kano ka jingiakren bad kam pat don ruh kano kano ka jingthoh lada don kano kano ruh kin hap ban ia kren lang bad u MLA lem bad ki paidbah, hynrei ia mynta ym pat don kano ka jingiakren halor kane ka bynta.
U Bah Jambor War MDC jong ka Mawthadraishan ba dei ruh Em ba dei peit ia ki kam Elaka hapoh jong ka KHADC u la ong ba haduh mynta kim pat ioh ia kano kano ka jingthoh hynrei la iohi ia ka jingpynbna jong u myntri rangbah ka jylla ban ai District shuwa ka jingrakhe ia ka sngi laitluid jong ka Ri India kata 15thNailar 2021.
