Shillong, Risaw 16: Mynta ka sngi u Chief Secretary jong ka sorkar jylla u bah D P Wahlang ryngkat ka Deputy Commissioner jong ka East Khasi Hills District ka kong R M Kurbah bad ki heh ka tnad Disaster management kila leit ban jurup ia ka iing ba pluh ha Thana Road ha Police Bazar.
Ka jingpluh kane ka iing ka long ha ka sngi Saitjian bad ka jingpynlip ia ka ding kala neh baroh shimit bad la lah ban tem ia ding haduh ka sngi u blei mynstep bad na ka liang jong u myntri rangbah ka jylla u la bthah ia ki bor district ban leit ban jurip ban iarap hapoh ki kundon ain jong ka sorkar.
Ka jingleit jurip ia katei ka iing bala pluh ka wan ruh da u Director General ki Pulit u Dr. L R Bishnoi, u Superintendent ki pulit jong ka East Khasi Hills District u bah Sylvester Nongtynger bad ki heh pulit na ka District.
Haduh mynta ka sngi na ka liang jong ki pulit pynlip ding kila dang iai synret um ia kane ka iing bala pluh namar haduh mynta ym pat ioh ban rung hapoh kane ka iing ban peit bniah, haduh ba thoh ia kane ka khubor ruh ym pat lah ban tip ia ka daw jong ka jingpluh bad katno ka jingjullor.
