Shillong, U bah H.M Shangpliang u la pynpaw ia ka jingsngewkhiah halor ka jingeh jong ki nongrep. U la ong ba “Mar dep ka election ka dor jong u synsar ka la hiar” u la ong ba naduh mynshem snem ka dor une u mar rep ka la kiew 130 shi kilo, hynrei mynta ka la hiar na ka dor, sha kumba 90-95 tyngka shi kilo.
U bah H.M Shangpliang u la kyntu bad bankhia ia ka sorkar ba ki nongrep kim dei ban mat kum kata ka jingeh naba ymdon daw eiei, hangno hangno ruh ban ong ba yn hiar dor une u mar rep, hynrei kane lehse ka lah ban dei ka jingkhniot beiñ ha ka iew hangno re hangno.
Ha kajuh ka por u la kyntu ruh ia ka agriculture department ba kan buddien ia kane, u laong ruh ba u la ioh sngew rih ia ka sur u paitbah nongrep ba ka dor jong u synsar ka dei ban neh kumba long lane ka lah ban palat ia kata ka dor ba 130tyngka shikilo ba la pyniaid iew ha kine ki sngi ba la dep
Ha kajuh ka por u bah H.M Shangpliang u la pynpaw halor ka jingpynpoi ia ki dawai sboh ha ka jylla ki la poi, u la kyntu ia ki nongrep ba lehse kan bha ia ki ba kin phah da ka jingthoh sha ka office u DEO ne u District Horticulture department ban ia buddien ia kata.
Ka jingeh ka long ba lada la dep ai order ban pynpoi ka mar ka khlem poi, kata ka la dei ka jingkitkhlieh jong ka department ban pynpoi sha ki jaka ba ki dei ban pynpoi.
