Shillong, Iaiong 01: Ka ICAR kaba don ha Umaim kaba dei ka jaka wad bniah ia ka rep ka riang ha kane ka thain shatei lam mih ngi jong ka Ri India kala ai jinghikai ia ki samla balanang la stad ha kaba ia dei bad ka rep ka riang kane ka jinghikai kala neh lai sngi lynter.
Kane khyndew ha kane ka dong shatei lam mih ngi jong ka Ri India ka long kaba jem bad kaba la lah ban shah rong ha ka um da kaba suk bad kane ka rukom rep kaba ia rep mynta ka ktah bha ia ka khyndew kane ka long na ka daw jong ka jingkylla ba khah khah jong ka suin bneng.
Haba rep kala don ruh ka jingbakla ha kaba pyndon kam ia ki dawai sboh khlem da bud ia ki jingbatai bad kane kala ktah bha ia ka khyndew, ha kane ka jinghikai kaba lai sngi kine ki samla kiba la leit ban ia shim bynta kila ioh ia ka jinghikai kaba kham bha bad kmno ban leh ha kaba ia dei bad kane ka kam rep.
Kiba la shim ban ai ia kane ka jinghikai ki long u Dr Dr. Krishnappa R, Dr.Anup Das, Dr.Subash Babu, Dr.Thoithoi M Devi), NRM (Dr.B.U Choudhury, Dr. B.C.Verma, Mrs. Prabha M) bad na ka liang jong ka rep soh la aid a u Dr. V.K.Verma, Dr. Deshmukh NA. Kane ka jinghikai kala iarap shibun kine ki samla kiba dang sdang ban shim ia kane ka kam rep kam riang.
