New Delhi, Lber 27: Ka tournament bala pynlong da ka kynhun ki pulit ka jylla Meghalaya ka 5th MLP Battalion ka ba don ha Nongbah Delhi ka la kut noh mynnin ka sngi. Kala long kaba ishongkun.
Ka jingiakhun ba ia ryngkatbor hapdeng ki nong ia leh kai kala pynshitrhem ia ki nongpaitkai bad khring wat ia ki paitbah ba don marjan kane ka lympung. Ki nong ia shim bynnta ki kynthup naduh u barit tam ha duh u ba heh tam, kam don kano kano ka jing ia shah shiliang la u rit ne khraw u samla ne tymmen, ka jingjied ia ki nong ialeh kai pyrshah ka long beit daka jing khalai nusib.
Iaka phainal la pynlong ha Vikaspuri Tactical Hq New Delhi jong kane ka kynhun ki nongjop ki long Single winner – Marghin Sangma (Constable) Single Runners up – Ruddy Kharkongor (Constable) Double winner – Holicson Malai (Havildar) & Arbutawas Marak (Constable) Double Runners up – Shri F.G Kharshiing IPS (Commandant) & Insp Manilal Singha.
Na ka liang jong ki ophisar kiba la jop ha kane ka jingialehkai ki long, Officers single winner – Insp Shri Manilal Singha Officers Single Runners up – Shri Sajan Paul MPS (Asstt. Commandant)
Haka ba khatduh la pynkut ia ka ne ka jingialehkai da ka jing sam khusnam bad jing kren da u Commandant jong ka ne ka kynhun bah F.G.Kharshiing, IPS. Ha ka jingkren Ula ai khublei ia baroh ki nongia shim bynta khamtam eh ia ki nong pyniaid ki bala lah ban pynlong ia kane ka jing ialehkai ka ba jop, U la ai mynsiem ruh ia U Haidarland Marngar (constable) u ba lah ia shim bynta haka International Airtel Half Marathon kaba la long ha Nongbah Delhi bad wan ha ka kyrdan 194 napdeng palat ki 6500 ki nongmareh kynthup ia ki nongiashimbynta ki ba lah wan na kylleng ka pyrthei.
Kumjuh ruh u la ai mynsiem ia baroh ki shipai lem bad ki officer ban ia shim bynta ha kino kino ki jing ialehkai ba ki don sap don talen.(SP News)
