Shillong, Jylliew 11: Mynta ka sngi ka Greater Laban Community Society kala pynlong ia ka jingpynkup burom ia u Ankur Das u ba la pass ia ka UPSC examination bala pynlong da ka sorkar pdeng jong u snem 2021, ha kane ka sngi la pynkup burom ruh ia ki lai sngi ki samla pule ka Laban Bengoli Boys Higher Secondary School.
Ki lai ngut ki samla pule kane ka skul kiba la pass bha ki long u Gyanesh Roy Bhomik u ba la wan ba nyngkong ha ka HSSLC Science bala pynlong da ka MBOSE mynta u snem 2022, u Rishi Sarkar ba wan ba ar ha ka HSLC Science 2022 bad u Chirag Deb ba wan balai ha ka HSSLC Commerce 2022, kine kila wan ha ka thup jong ki shiphew ngut kiba pass bha.
Haba kren ha ka jingpynkup burom ia kitei ki samla puele kiba la wan sha khmat bad khamtam ia u Ankur Das bala aiburom ia ka jylla, u bah sanbor u la ong ba la ka long ha kano kano ka kynhun ka jinghikai ka long kawei, ia ieit para briew burom ia baroh ki jaidniam bad kiar na ka jingiahun para briew.
Ha kane ka sngi la pynkup burom ia baroh ki nonghikai ka Bengoli Boys HS Scholl bad ia kiba trei ha kane ka skul kaba la lah bans ei ia ki samla ban pass bha man ka por, ha kane ka sngi la don lang ruh u President ka BJP Meghalaya State Unit u bah Ernest Mawrie, ki rangbah shnong ka Laban kiba la ia don lang ban sakhi ia kane ka sngi.
