Ia ka bynta ba lai jong ka “Khelo India Youth Games” yn plie ha Guwahati sngi Thohdieng

New Delhi, Kyllalyngkot 8: Ki sngi ki la jan ban sdang ka bynta kaba lai jong ka Khelo India Youth Games, kaba la pynbeit ban long ha Guwahati naduh ka 10-22 tarik Kyllalyngkot, 2020.

Ka jingialang plie, ka ban long ha Indira Gandhi Stadium ha ka 10 tarik Kyllalyngkot, kan sakhi ia ka jingdonlang u Myntri Rangbah ka jylla Assam, Sarbananda Sonowal bad u Myntri khynnah jong ka sorkar pdeng ba dei khmih ia ka tnad Youth Affairs and Sports Kiren Rijiju, ryngkat bad shibun ki khlur ialehkai, napdeng jong ki, kadei ka nongialehkai ba pawnam jong ka Assam, ka Hima Das.

Haba iakren shaphang ka bynta kaba lai jong ka Khelo India Youth Games, u Myntri rangbah ka jylla Assam, u Sarbanada Sonowal u la ong, “Ngi dap da ka jingsngewkmen kaba khraw ban pynlong ia ka bynta kaba lai jong ka Khelo India Youth Games. Kane ka lympung ka la wanrah ia ka jingkylla ha ka ri ha kaba ki briew ki la ia beh bha sha ki kam ialehkai bad ngim lah khlem da sngew sarong ba kane ka jingialehkai ka long ha Assam.

Nga kitbok kitrwiang ia baroh ki nongialehkai ba kin leh bha.” U Kiren Rijiju u la ong ba ka Khelo India Youth Games ka la ai mynsiem ia ki samla jong kane ka ri ban sdang ia ki kam ialehkai. U la ong ruh ba ka bynta kaba lai jong ka lympung ialehkai kan wanrah ka jingktah kaba khraw ha ki samla jong ka thain shatei lammihngi, kiba lah ban sakhi ia ka jingialehkai katkum ki kyrdan international.

Kumba 6,800 ngut ki nongialehkai na kylleng ki 37 kynhun (ki jylla bad ki union territory) kin iashim bynta ha ki 20 tylli ki prokram ialehkai, ba kynthup ki jingialehkai ba thymmai – lawn bowls bad cycling, ha ki phra tylli ki jaka ha kylleng ka nongbah Guwahati, ha kane ka lympung ialehkai. Ki nongiashim bynta ha ka lympung ialehkai kilong 10,000 ngut ki briew, ba kynthup ki nongialehkai, ki ophisar, ki volunteer bad ki nongiarap.

Ia ka jingialang plie la pynbeit ban long ha ka 10 tarik Kyllalyngkot, ka ban long ka prokram kaba heh bha bad kaba iphuh iphieng, ha kaba yn don ki nongpynbrnia haduh 400 tam ki dkhot,

Ka sngi ba nyngkong jong kane ka lympung kan long ha ka 10 tarik u Kyllalyngkot ha kaba yn don palat 400 ngut ki nong ak bad palat 400 ngut ki nongiarap. Kane kan long ruh ka tamasa kaba pher ha kaba yn don ka jingpyndonkam ia ki light bad kiwei kiwei ki teknoloji ha kane ka sngi kaba nyngkong.

La sain dur ruh ia katto katne ki jingpyni ia ka jingitynnad bad ka kolshor jong ka Assam lem bad ki riew pawkhmat jong ka jylla. Yn don ruh ki jingpyni sap jong ki riew tynrai na kylleng ka jylla. Ban kyntiew ia ka Fit India movement, yn don ruh katto katne ki jingialehkai ha kane ka tamasa.

Ka bynta kaba lai jong ka Khelo India Youth Games ka la iohi shibun ki kam ha ka sien ba nyngkong ba la shim da ka sorkar, ba kynthup ka jingbuh liengsuin ban kit ia ki nongialehkai na Kolkata bad Delhi sha Guwahati bad ka prokram go- green ka ban sa iohi ia ki kali elektrik ha ki jaka ba pynlong ia ka lympung. Nalor ka Khelo India scholarships ba ki lahduh jong ka lympung ialehkai kin ioh, ka sorkar Assam ka la pynban ruh ia ki khusnam pisa ia ki lahduh.

Ka jylla kaba ioh ban pyniaid ia kane ka lumpung ka la pynkhreh ban pynlong ia kane ka lympung kaba don ia ki jingdonkam katkum ka juk mynta bad ki tiar na ka bynta ki jingialehkai ki ban wanrah da ki jhad na kylleng ka pyrthei.

La buh ia ka kynhun ka ban peit ia ki jingpynbit pynbiang khnang ba ki nongialehkai bad ki ophisar na ki jylla bapher bapher kin ioh mad ia ka jingpdiang sngewbha kaba sah jingkynmaw, bad la bat palat 100 tylli ki hotel ha ka nongbah, la buh ia ki jaka pdiang ha ki steshon rel, ki jaka ieng bus bad ki kad liengsuin.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet