Shillong, Rymphang 21: U Myntri ba dei peit ia ka tnad pule puthi ka jylla u Rakkam A Sangma haba jubab ia ka jingkylli jong u bah Brightstarwell Marbaniang, la ong ba ia mynta ki jingtei ia kane ka skul bah ki long ha ki phra bynta.
Ka jingtei ia ka ophis treikam bad ki jaka hikai la dep ban pyndep, ka jingshna ia ki jaka soh ki kynthei bad shynrang la lah ban pyndep, ka sorkar kala mang ban thungkam 58 ngut kyntup ia ka kam Vice Chancellor bad Register.
Ka sorkar kala mang pisa ban shna ia ki surok hapoh ka jaka pule bad kum juh ban ring um, la dep ruh banthung ia ka kynhun kiban pyniaid ia kane ka skul bah bad ia ka jingialang kaba nyngkong la long ha ka 14.1.2022 bad la thung ruh ia ka kynhun ban pyniaid ia kane ka skul bah bad ka sorkar kala pynkhreh ban sdang ban pyntrei kam moh.
Haba jubab ia ki jingkylli bynrap u myntri la ong ba haduh mynta la pynlut T.16.96 klur ban tei ia ki iing bad la mang pisa sa T.5.77 klur ban shna iaki surok bad ringum hapoh katei ka skul bah, la ong ba ka jingeh kane ka jaka ka long 100 akar.
Naka ka liang jong ka tnad pule kala pan na ka sorkar ban thung shuh sa 100 ngut ki nonghikai hapohkane ka skul bah nalor kitei ki 58 ngut bala ioh jingbit ban thung ka sorkar kala kut jingmut ban sdang noh ia kane ka skul bah ha u snem 2025-2026.
Haba ia dei bad ka jinglut na ka liang jong ka sorkar kan hap ban bei T. 45 klur shisnem, na ka liang jong ka sorkar kan sa kyntu ia ki Kolej ba kin pyniasoh bad ka ne ka skul bah jong ka jylla na ka bynta ba ki khynnah kin lait na ka jingthoh iaka eksam CUET.
