Shillong, Jylliew 18: U Myntri Rangbah ka jylla u Conrad K Sangma mynta ka sngi u la pyntip ba ia ka met jong u shipai BSF u Satish Kumar Singh na Maudha, Ghaziabad bakhlad ha ka jingtwa khyndew ha Lalghat BoP la pynkit sha Bagli BoP.
U Myntri rangbah lyngba ka Twitter la pyntip ba namar ka jingdkut lut ki surok ban wan na Bagli sha Shillong ia ka met jong u shipai BSF ym lah ban wan kit sha Shillong, la pyntip u myntri rangbah mynta ka sngi.
Ha ka juh ka por na ka liang jong ki pulit jong ka South West Khasi Hills District kila kyntu ia ki paidbah ba kin nym mih klumar ban leit ban wan namar ka jingtwa ki surok, ban lait na ki jingmynsaw la kyntu ia ki paidbah ba kin kiar ha kane ka por ba dang jur ka slap.
Mynta ka sngi ka jingtwa ki surok ka jingshah rong noh ki jingkieng kam dei tang ha katei ka District hynrei kala ktah ia baroh ki District, ha kaba bun na ki surok kila dkut bad bun ki shnong kila shem jingeh ha ka leit ka wan.
