New Delhi, Rymphang 07: Ia ka North East Road Sector Development Scheme la sdang ha u snem mang tyngka 2015-2016, ha kine ki lai snem lai tylli ki surok la aiti sha ka National Highways & Infrastructure Development Corporation Limited (NHIDCL) ban pyntrei ia ki, ia kane ka skhim la pynjlan haduh u snem 2020 na ka 17 tarik Lber 2017.
Shuwa ban shna ia kano kano ka surok kala don ka jingpynkhreh ia ka Detailed Project Report (DPR) na ka bynta lai tylli ki surok shuwa ban sdang pyntrei ia ki, ia kine ki jingtrei la dep ban ai bad mynta ki dang don ha ki bynta bapher bapher ban pyntrei kam ia ki.
Ia kane ka skhim la saindur da ka Ministry jong ka DoNER ha u snem 2015-16 bad ha u snem 2016-2017 la aiti sha ka North Eastern Council during 2016-17 ban pyntrei bad ia ka committee hapdeng ki tnad sorkar la thaw hapoh ka jingling Chairman jong u Secretary, North Eastern Council (NEC) na ka bynta ban peit bniah.
Kane ka long katkum ka jingjubab jong u myntri khynnah ba dei peit ia ka tnad Ministry jong ka Development of North Eastern Region (DoNER), MoS PMO, Personnel, Public Grievances & Pensions, Atomic u Dr Jitendra Singh da ka jingthoh hapoh Lok Sabha mynta ka sngi ha ka por kylli jingkylli.
