Shillong, Iaiong 19: U Chief Electoral Officer ka jylla Meghalaya u Dr. BDR Tiwari la ong ba naduh ba sdang ban treikam ka “Model Code of Conduct” ka jingioh ban kurup kala kot sha ka T.43 klur tyngka haba khien lang baroh.
La iathuh ba tang ka pisa pliah ka long T.11.10 klur tyngka, ka kyiad T.74.89 lak tyngka, drok T.4.18 lak tyngka, Jingai sngewbha T.1.5 lak tyngka bad kiwei ki tiar T.5.71 klur tyngka.
Haba iadei bad ka pisa na ka liang jong u CEO la ong ba kan sa don ka committee kaba kyrpang ha kaba ia dei bad ka pisa ba kin shong ba bishar bniah bad ha dien bala depban shong pisa kin sa shim ia ka rai.
U CEO la ong ba wat la ka elekshon ban thep ia ka vote ha kane ka jylla Meghalaya ka la dep mynta ka sngi hynrei ka MCC ka dang trei kam haduh ban da dep ban niew ia ki vote bad haduh ban da pyndep lut ia baroh kiba ia dei bad ka kam elekshon.
La iathuh ban a ki 40 tylli ki pyrton kiba don ha kane ka jylla Meghalaya kiba wan ban pahara ha kane ka elekshon kiban sah kin long 7 pyrton ba kin ap pahara ha ki jaka ban buh ia ki kor thep vote khatlai tylli ki jaka.
