Shillong, Rymphang 21: Ka Dr. Ampareen Lyngdoh myntri ba dei peit ia ka tnad ka koitka khiah haba jubab ia ka jingkylli jong u bah Ronnie V Lyngdoh kala pyntip hapoh ka iing dorbar ba ia ka Shillong Medical College yn pyntreikam noh ha u snem 2025-2026.
Ia ka Shillong Medical College yn sdang ha ki ar tylli ki Hospital ka Ganesh Das MCH Hospital bad Shillong Civil Hospital, la iathuh ba ia mynta kila don 15 ngut ki Doctor kiba dei jong ka sorkar bad la dang wat shuh shuh ia ki dotor ba kin don ha ka kam hikai hapoh ka Shillong Medical College.
Ka myntri kala pyntip hapoh ka iing dorbar ba ka sorkar kan wat ia ki dortor kiba tibit kiba don wat ha ki hospital jong kiriew shimet ruh kiba hapoh ka jylla bad kum juh kiba don sha bar ka jylla ban ioh ia ki doktor kiba tbit tam ban hikai.
La iathuh ba katkum ki kyndon jong ka National Medical Council ka jaka ban buh ia ka jaka pule doktor ka dei ban long 20 akar shaneng bad ka sorkar kala don ka jaka 70 akar ban buh ia ka jaka pulr doktor na ka bynta ka Shillong Medical College.
Ia ka jingpan jingbit ban buh ia ka Medical College la pan ha ka kyrteng ka Shillong Medical College bad yn pyniasoh bad ka skul bah NEHU, ka myntri kala iathuh ba ka sorkar kala kut jingmut ban sdang ia ka Shillong Medical College.
Haba ia dei bad ka Tura Medical College kala iathuh ba ka jingtrei kala iaid sha khmat bad mynta la lah ban pyndep haduh 57% haba shim kyllun, ki don ki bynta kiba la pyndep palat ia katei ruh, mynta yn sa sdang noh banshna ia ka surok, ka light bad ban ring iaka um. La iathuh ba ka jylla kan don lai tylli ki Medical College.
