Shillong, Nailar 04: Ka KSU South West Khasi Hills District bad ka KSU Mawkyrwat Circle ka kwah ban pyntip paitbah ba ia ka tarik jongka Charitable Football Match ka ban long haka 12 tarik, Nailar 2024 ha Madan M.D.S.A Artificial Turf , Nonglang South West Khasi Hills District la pynkynriah ia ka tarik.
Ka daw bala hap ban pynkynriah ka long ba ka Rangdajied United FC ka la shah jied ban iashim bynta haka DURAND CUP 2024. Ka KSU ka pynpaw iaka jingsngewsarong ba sa kawei ka Team naka Jylla kan ioh ia shimbynta haki Tournament baheh jongka Ri.
Ka KSU ka kitbok kitrwiang ruh iaka Rangdajied United FC ba kan ialehkai bha ha kane ka Tournament bad ba kan nang lah ban sei iaki samla donsap ka Jaitbynriew haki rynsan ba kham heh.
Ka seng ka kyntu ruh iaki paitbah riewieit football ban iaishah lem halor kane ka jingpynriah tarik bad ban wan iashimbynta shitrhem ban ia kyrshan bad synniang iaka Rehabilitation and Centre kaba don ha Sohkhyllam, South West Khasi Hills District ynda ngi la ioh ban pynbeit thymmai iaka tarik ialehkai.
U Samla Forwardman Nongrem President ka KSU South West Khasi Hills District la ong ba ia ka tarik kaba thymmai yn sa pyntip kham ha dien katto katne por kane ka long katkum ka kyrwoh kaba la phah da ka seng KSU na SWKH District.
