Shillong, Naitung 02: ka jingiakhih kaba khlem buh por dang ki nonghikai jong ka St Edmund College hapoh jong ka Lama jong ka Meghalaya College Teachers Association (MCTA) ban dawa na ka Governing Body jong ka St Edmund College ban thung biang ia u Bah Jeffereysan Wahlang kum u nonghikai jong katei ka College.
Kane ka jingiakhih jong ki nonghikai ka St Edmund College kaba khlem buh por kala sdang ha ka shitarik na phylla jong ka katei ka College bad mynta ka sngi kala pur sha ka jingiakhih shong kyllain mungor jong ki nonghikai ha jan Additional Secretariat ban pynpaw ia ka jingpyrshah ka jong ki ia ka jingleh jong ka College.
Ha kane ka jingiakhih kaba mynta ka sngi la wan kum ka MCTA, ha kaba ka president jong ka seng kmie na ka MCTA ka Dr B H Buam kala don lang, ka General Secretary ka kong Aimanda Basaiawmoit kala ai jingkren ha kane ka jingiakhih bad u Bah Malcome Tariang President jong ka MCTA jong ka St Edmund College.
Na ka liang jong ka Secretary jong ka MCTA jong ka St Edmund College kala iathuh ba haduh mynta ka sngi na ka liang jong ka Governing Body kam pat phah ktien ei ei ruh em ha kaba ia dei bad kane ka jingiakhih ka jong la ong ba kane ka jingiakhih kan dang iaid katba ym pat lah ban ia pynbeit.
Kane ka jingiakhih jong ki nonghikai kala ktah ia ki samla pule jong ka St Edmund College kiba don lao hajar tam ki samla pule na ki lai tylli ki shnat pule, Art, Commerce bad Science.
