Shillong, Lber 10: Mynta ka sngi ka kynhun jong ki nongtrei bank na ki bank bapher4 bapher kiba la ithuh da ka sorkar hapoh jong ka lama ‘United Forum of Bank Union” kila pynlong ia ka jingiakhih ha baroh kawei ka Ri India mynta ka sngi ban pyrshah ia ka jingthmu ka sorkar pdeng ban aiti ia ki bank kiba la iathuh da ka sorkar sha ki kompeni jong ki riew shimet.
Ha kane ka jylla Meghalaya ka UFBU kala pynlong ia ka jingiakhih shong kyllain mungor ha phyllaw jong ka SBI Main Branch ha Shillong, ha kane ka jingiakhih ki nongialam jong ki seng bapher bapher na ki Bank bapher bapher kila ia poi lang sha kane ka jingiakhih.
Kane ka jingiakhih ka long ban pyrshah ia ka jingthmu jong ka sorkar pdeng ban aiti ia ki Bank kiba la ithuh da ka sorkar sha ki riew shimet da kaba ailad ia ki kompeni shimet ba kin don ka bhah kaba kham bun ban ia ka sorkar, katba mut ba ki kompeni kin ioh ban bat ia ka bor pyniaid.
Kane ka UFBU kan long pynlong ruh ia ka jingsangeh trei kam kaba ar sngi lynter ha ka 15 bad 16 tarik mynta u bnai kum ka jingiakhih ban pynbor ia ka sorkar pdeng ba ia ki bank kiba la iathuh da ka sorkar ym dei ban aiti sha ki kompeni shimet.
