Shillong, Kyllalyngkot 23: Mynta ka sngi ki nongtrei jong ka KHADC kila pynlong ia ka jingiakhih da kaba mih sha bar na ki kamra treikam da kaba ia ieng paidbah ha phyllaw ka ophis ban ap ia u Chief Executive Member u bah Tistosstarwell Chyne.
Haba la pyrhang ban kylli na ki nongtrei ka KHADC kaei ka daw kaba ki ia khih da kaba sangeh treikam mynta ka sngi, na ka liang jong ki nongtrei kim shym la iathuh balei ki ia ieng sha bar ha Phyllaw jong ka ophis khlem da trei ban treikam.
Kaei kaba la sngewthuh kat haduh ba thoh ia kane ka khubor ka long ba ki ap ban ia kren ia u Chief Executive Member jong kaKHADC ia kiba ia dei bad ki kam kiba ktah ia ki nongtrei ka KHADC, ki nongtrei kila ia ap ha phyllaw kat haduh ba thoh ia kane ka khubor ka long ym pat lah ban tip la kila ioh ne em ban kynduh.
Kiwei ki lat khubor ki iathuh ba ka jingiakhin jong ki nongtrei ka KHADC ki iakhih namar ki dawa ban ioh iaka Arear bad ka DA jong ki kaba khlem ioh mynta la bun bnai kane ka jingiakhih ka long ban pynsngew sha u CEM jong ka KHADC.
U bah Titosstarwell Chyne CEM jong ka KHADC haba kren ha u SP News Agency la ong ba ka jingdawa jong ki nongtrei ka dei ka jingdawa kaba dei hok, namar ki pan iak a Arear bad ia ka DA kaba khlem pat iohi kaba dei hok ka jong ki.
U CEM u la ong ba ka jingpynshah iaka Arear bad ia ka DA ka dei namar ba ka sorkar jylla kam shym la pynliat ia ka pisa kaba dei ka bhah jong ka KHADC, kaei kaba ki ka dei tang jong u snem 2021-2022, katba ka bhah jong u snem 2022-2023 ka sorkar kam shym pat siew.
