Shillong, Nailar 25: U Director General ka National Cadet Corps (NCC) Lieutenant General u Gurbirpal Singh, ha ka jingwan jngoh ka jong ia ka Directorate ka NCC kaba ar sngi kaba don ha Shillong la ong ba ia ki syrnot kiba la ai na ka NCC la burom ia ki haba wat kam shipai bad pulit ha ki jylla.
U Director Genenral ka NCC u Lieutenant General u Gurbirpal Singh u la ong ba ha ka jingwan jong u sha kane ka thain shatei lam mih ngi jong ka Ri India la ong ba kane ka Directorate kaba don ha Shillong ka dei kawei na ki Directorate ha ka Ri India kaba la wanrah nam ha kiba bun ki jingiakop.
Haba phai sha ka jylla Meghalaya la ong ba la ia kynduh ia ki bor jong ka sorkar jylla ha kaba kila ia kren ban pyniar ia ka NCC ha ki skul kiba don ha kane ka jylla khamtam ha kappud bad ka Bangladesh bad ia ki jinghikai la phah sha ki jaka ba don ki shipai.
La ong ba ki samla pule ha kane ka jylla kiba la pyniasoh ia lade sha ka NCC ki don palat shilak ngut bad da ka jingpynbun shuh shuh ia ka jingdon ki jaka ai jinghikai ha ki jaka pule kane kan dang kyntiew ia ka jingpyniasoh ki khynnah bad ka NCC namar ka thong ka long ban wanrah ia ka jinglong iaid beit iaid ryntih ha baroh ki liang.
Ha kane ka sngi u Director General u la pynkup burom ruh ia ki 21 ngut ki nongtrei hapoh jong ka NCC kiba don ha ki jylla kane ka thain shatei lam mih ngi jong ka Ri India ha ka jingialang kaba la long ha ka ophis jong ka Directorate ka NCC ha Shillong ha ka jingiadon lang ki heh ka NCC na kane ka thain shatei lam mih ngi ka Ri India.
