Tura, Iaiong 9: U president jong ka National People’s Party u Purno Agitok Sangma mynta ka sngi u la kylla ia ka sur kren ka jong u ha kaba u la ong bay m shym don kano kano ka jingthrang ban don ia ka bynta kaba ha khmat eh ha ka sorkar NDA hynrei yn don bynta lang bad kane ka sorkar kaba thymmai.
Ha ka por ialap elelction na ka liang jong u Purno u la kam ba un ia don bynta langha ka sorkar NDA bad yn ioh ban long cabinet minister. Haba kren halor u Narendra Modi u la ong bay n nym lah ban khang ia u na ka jinglong myntri rangbah duh jong ka Ri.
U Purno u la sdang ia ka jingialap elelction ka jong u u la sdang da kaba shong ha ka shuki kaba shu iaid hi hynrei mynta ka sngi u la iohi ba u la iaid hi sha jaka thep vote ha t Walbakgre Lower Primary School da kaba shu iaid hi, ia u la synran lang da ki khun jong u bad ki ksiew.
Na ka liang jong u kyrtong ka seng Congress candidate, Daryl William Momin u la leit ban thep ia ka vote jong u ha Tura Government College, ia laba la synran lang u da u kpa jong u u Fersen Momin, ka kmie ka Muani Ch Momin bad u para jong u u Broth Issak William Momin.
Na ka liang jong u Darly u kren skhem ba ynjop ha kane ka elelction kaba mynta bad lada u jop un trei na ka bynta ban pynpaw ia ka Garo Hills ha kiba bun ki liang ha poh kane ka Ri India ki bynta kiba kongsan ki long ka koit ka khiah, ka pule pouthi bad ki kam jngohkai pyrthei.
Kine ki kyrtong na Tura kila ia ai khublei mar kylliang, u Purno u la ai khublei ia u Darly da kaba ong u long u khynnah bas tad bad na ka liang jong u Darly ruh u la ai khublei ia u Purno kyrtong ka NPP.(SP News)
