Shillong, Risaw 27: U myntri ba dei peit ia ka tnad shangsuwari ka sorkar Meghalaya u bah Paul Lyngdoh u la ia kynduh ia u symbut myntri rangbah ka jylla Karnataka u D.K Shivakumar ha iing sah jong u ha Bengalaru ban ia kren kumno ba kyntiew ia ki kam shangsuwari ha pdeng kine ki ar tylli ki jylla.
Ha ka X u symbut myntri rangbah ka jylla Karnataka u la ong ba kane ka jingiakynduh kila ia kren shibun ki phang kiba ktah ia ka dong ka thain bad kumjuh ha kaba ia dei bad kiwei ki bynta kiba ktah ruh ia ka pyrthei, ha kane ka jingiakynduh la pdiang burom ia u bah Paul da ka riam tynrai.
Ka jingleit jong u bah Paul sha katei ka jylla la sngewthuh ba kila ia kren ruh ia ka jingdon ki briew na kane ka jylla Meghalaya kiba pule bad kiba trei bun bah khatam hapoh ka nongbah Bengalaru ba kan don ka jingshngian.
