Delhi, Naiwieng 15: U Myntri Rangbah Duh, u Narendra Modi u la iakynduhia u President ka USA, H.E. u Joseph R. Biden ha ka jaka ba long ka G-20 Leaders’ Summit ha Bali mynta ka sngi.
Ki la iakren shaphang ka jingbteng ka jingiajan ka India bad ka US ha ka jingiatreilang ha ki kam kiba kynthup ki kam kiba iadei bad kiba dang mih kum ki teknoloji kiba kongsan bad kiba thymmai, advanced computing, artificial intelligence, bad kiwei kiwei.
Ki la ong ba ki hun ia ka jingiatreilang ka India bad ka US ha ki kynhun ba thymmai kum ha ka Quad, I2U2, bad kiwei kiwei. Kine ki nongialam ki la iakren ruh shaphang ki jingjia ha ka pyrthei bad ki thain bapher bapher.
U Myntri Rangbah Duh u la ai jingsngewnguh ia u President Biden na ka bynta ka jingkyrshan jong u ia ka jingpynkhlain jong ka jingiatreilang ka India bad ka US. U la ong ba u ngeit skhem ba kine ar tylli ki ri kin bteng ban don ka jingiadei kaba jan ha ka por jong ka Presidency ka India ia ka G-20.
