Shillong,Lber,01:Ka North East India Mission Association (NEIMA) central body mynta ka sngi ka la pynlong ia ka jingialang ha NEHU Community center ha kaba iadei bad ki khun swet ha kaba ki artylli ki jaka ki ba ri ia kine ki khun swet ki la ia wan ban ia shim bynta, kaba na Sahsniang bad na Pynursla.
Ka kong R Kurbah ka wei na ki long kmie ka ba ri bad peit ia kine ki khunswet kala ong la thung khnang ia ki dkhot jong ka NEIMA khamtam eh ban ioh piet lem iaki ne ki khun swet, la ju buh ki jingduwai na ka bynta jong bad ai ba u Blei un nang iarap bad theh ki jingkyrkhu ia ki nong ri bad nong sumar ia kine ki khunswet,to u Blei un nang pyndap pyn biang ia ki jingdonkam baroh na ka bynta kine ki khunswet ong ka kong Kurbah.
Ha ka jingkren jong u bah P.Sancley u ba long u treasurer jong ka NEIMA u ong bun ki briew kiba la ia wan ban ai sngewbha sha kine ki khun swet da ki jain ki nep ki khaw ki shini bad ki wei ki jingai na ka bynta ka jingdon kam ka jong ki.
U bah sancley u la iathuh ruh ba don napdeng ki dkhot jong ka NEIMA kiba la khlad noh na kane ka pyrthei bad don ruh na pdeng jong ki kiba ka iehnoh bad don ruh kiba dang wan pyn iasoh thymmai ha u ne u taiew.
La pynlong khnang ia kane ka jingialang namar ka long kum ka jingpyn ia kynduh ia ki khunswet na kine ki ki artylli ki jaka namar don napdeng jong ki kiba don ar ngut shipara bad kane ka long ka lad ba ki ioh ban ia kynduh lang shipara.
Ki wei pat ki riew rangbah kiba la don lang hakane ka por ki long u bah JSO Dohlieng u ba long u finance secretary,Ka kong I kharbudon Asst.House Mother Tbn W.kharkongor,la ioh ruh iaka jingduwai ba kyrpang na ka bynta kine ki khunswet na u Tbn E.B Lyngdoh,bad la ioh ruh ia ki rwai na kine ki khunswet na kine ki artylli ki jaka.(SP News)
