Shillong, Rymphang 22: Mynta ka sngi u J J Woo, u John Park bad u Mark Mathew kiba dei ka kompeni supply Oxygen kila ia kynduh ia u myntri ka tnad ka koit ka khiah u bah A L Hek ha Secretariat Shillong.
U bah Hek haba kren ha ki lat pathai khubor ha dien ba ka jingiakynduh bad kine ki briew na South Korea, la iathuh ba kane ka kompeni kaba ki don kala buh ia ki kor oxygen hapoh Civil Hospital Shillong bad katkum ka kaiphot kaba la ioh ka long ba ki mashin ki long kiba biang.
Naka liang jong u JJ Woo nongialam kane ka kynhun haba kren ha ki lat pathai khubor u la ong ba kane jingiakynduh jong ki ia u myntri ka tnad ka koit ka khiah ka long ban ai khublei halor kane ka jingiatreilang ha kaba kila ioh ban buh ia ki kor oxygen ha kane ka jylla Meghalaya.
U Woo u la ai ka jingkular ruh mynta ba na ka liang jong ka kompeni kan ai sngewbha sa 10 tylli ki kor sha ka sorkar Meghalaya, ha ka juh kapor u mytnri ka tnad ka koit ka khiah u la ong ba kane ka jingbuh ia kine kam dei tang ha Civil Hospital Shillong hynrei ha baroh ki hospital jong ka sorkar.
