Shillong, Rymphang 28: U myntri ba dei peit ia ki kam karkhana haba jubab da ka jingthoh ha ka jingkylli unstarred jong u bah Gavin Miguel Mylliem MLA Sohra la ong ba ia mynta kam don ka skhim ban shongthiat katba deipor ia kaba la tip kum ka “Voluntary Retirement Scheme” na ka bynta ki nongtrei ka Mawmluh Cherra Cement Limited.
Kane ka skhim VRS ia ki nongtrei ka MCCL ka jingttrwa ka long tang haduh u snem 2016, kiba la shim ia kane ka skhim baroh ki long 126 ngut. Ia kane ka jubab la wan rah hapoh ka iingdor bar da ka jingthoh.
Ka Dr. Mazel Ampareen Lyngdoh ba dei peit ia ka tnad ka koit ka khiah haba jubab ia ka jingkylli u bah Gavin Miguel Mylliem MLA Sohra, la ong ban kyntiew ia ka PHC sha ka CHC dei ban don ki paodbah nongshong shnong 80,000 ngut.
Ban kyntiew ia ka Sub Centre sha ka PHC kat kum ka kyndon kaba la buh don kam ban don 20,000 ngut ki paidbah nongshong ha sawdong jong kata ka Sub Centre, ia kane ka jubab la ai da ka jingthoh hapoh ka iing dorbar.
