Shillong, Jymmang 26: U Lamphang ka Meghalaya Legislative Assembly, u Thomas A. Sangma, u la leit iashim bynta ha ka Canadian Parliamentary Seminar ba 16 kaba la pynlong ha Ottawa, Canada, naduh ka 25 haduh 29 tarik, Jymmang 2026, ha kaba ia katei ka jingialang, la pyniaid da ka iing Dorbar thawain jong ka Canada.
Ka phang pdeng jong kane ka jingialang mynta u snem ka long “Ki iing dorbar thawain ha kane ka spah snem ba 21: ka jingthaw thymmai bad ka jingpynkylla ia ka synshar khadar,” kaba la wanrah ia ka jingialang lang jong ki nongialam bad ki ophisar ka Iing-dorbar ban bishar bniah halor ki jingeh bad ka rukom treikam ka hima synshar kaba dang iaid shakhmat.
Ha kane ka jingilalng, la iakren halor ki phang ba kongsan, kynthup ia ka jingpeit bniah ia ka rukom synshar khaddar jong ka ri Canada, ka bynta ba kongsan jong ka Commonwealth Parliamentary Association (CPA).
Ka jingleit ban ia shim bynta ka long ban pyn iadei ia ki samla ha ka jingsynshar paidbah, jingpynkiew kyrdan ia ki kynthei ha ka bor synshar ka Ri, ka rukom pyniaid shnong ne treikam synshar ba mynta, ki lad jingiada bad ki atiar ban pynkylla nongbah ia ka sorkar, ka jingpyniadei bad ka riti ka dustur bad ka lad pathai khubor bad kiwei kiwei ki jingai jingtip.
La synran lang ia u Thomas A. Sangma da u Malthus S. Sangma, Secretary, Meghalaya Legislative Assembly, bad u bah Raja K. Kharpuri, Deputy Secretary, Meghalaya Legislative Assembly.
Ka jingiashim bynta jong ki nongmihkhmat ka Meghalaya Legislative Assembly ha kane ka jingialang ka long ka jingkhmih lynti ban ai jingmut ba kordor halor ki rukom treikam bad ki lad thymmai jong ka iing dorbar thawaiaiñ, kaba pynkhlaiñ shuh shuh ia ka synshar khadar ri bad ka rukom treikam ki nongbishar ha ka Jylla.
