The Union Minister for Home Affairs and Cooperation, Shri Amit Shah witnesses the Signing of a tripartite Memorandum of Settlement agreement between Dimasa National Liberation Army/Dimasa Peoples Supreme Council (DNLA/DPSC) and the Government of Assam, in New Delhi on April 27, 2023.
Shillong, Iaiong 27: Ha ka jingdonlang u Myntri Sorkar Pdeng ba dei khmih ia ka Tnat Kam pohiing bad Cooperation, u Amit Shah, la iasoi ia ka Memorandum of Settlement hapdeng ka Sorkar India, Sorkar Assam bad ki dkhot jong ka Dimasa National Liberation Army bad Dimasa Peoples’ Supreme Council (DNLA/DPSC) ha New Delhi mynta ka sngi.
U Dr.HimantaBiswaSarma, Myntri Rangbah ka jylla Assam, ki heh ophisar na ka Tnat Kam Pohiing jong ka Sorkar Pdeng bad Sorkar Assam ki la iasonlang ha kane ka jingialang.
U Myntri Kam pohiing jong ka Sorkar Pdeng, u Amit Shah u la ong ba kane ka jingiateh soskular kalong uwei u mawmer ban pynlong ia ka thain Shatei Lammihngi kaba lait na ki kam pyntriem shuwa u 2024 bad pynurlong ia ka thong jong u Myntri Rangbah duh u Narendra Modi ia ka thain Shatei Mammihngi kaba shongsuk shongsain bad kaba jop.
U la ong ba kane ka jingiateh soskularkanpynkutshisyndon ia ki kam pyntriem bad lyngba kane, ym don shuh ki kynhun kiengatiar ha Assam mynta. U Amit Shah u la ong ba u Myntri Rangbah duh u Narendra Modi u la buh hakhmat ia ka thong ban pyllait na ki kam pyntriem bad kyntiew ia ka thain Shatei Lammihngi hakhmat jong ka ri .
Ka Tnat Kam Pohiing jong ka Sorkar Pdeng ka iaid shaphrang ha kane ka bynta hapoh ka jingialam jong u Myntri Rangbah duh u Modi. U la ong ba hapoh ka jingiateh soskular, ki dkhot ka DNLA ki la mynjur ban kyntait na ki kam thombor, ki la aiti baroh ki tiar ialeh, pynduh ia ki kynhun ialeh jong ki.
Ki la mih noh na baroh ki ktem ba shong ba sah ki dkhot ka DNLA bad iasoh bad ka synsharpaidbahkatkum ka ain.Kumtakatkum kane ka jingiateh soskular, palat 168 ngut ki dkhot jong ka DNLA ki la wan iasoh bad ka imlang sahlang da kaba wan pyndem ia ki tiar ialeh jong ki.
U Myntri ka tnat kam Pohiing jong ka Sorkar pdeng u la ong ba ka jingiateh soskular kaba mynta ka sngi kanpynkutshisyndon ia ki kam pyntriem ha DimaHasaoDistrik jong ka Assam. Hapoh ka jingiateh soskular, yn plie ia ka Dimasa Welfare Council da ka Sorkar Assam ban iada, pynnehpynsah bad kyntiew ia ka imlang sahlang, ka deiriti.
Ka jinglong katkum ka ktien iakren ban kot sha ki jingangnud kiba iadei bad ka sain pyrthei, ka ioh ka kot bad ka pule puthi bad yn pynthikna ka jingphaikhmat sha ka roi ka par jong ki jaitbynriew Dimasa kiba sah shabar u pud u sam jong ka Autonomous Council.
Nalor kane, ka jingiateh soskular ka pynbiang ia ka jingthung ia ka Commission hapoh ka paragraph 14 jong ka Sixth Schedule sha ka Riti Synshar jong ka ri ban peit bniah ia ka jingdawa kynthup shuh shuh ia ki shnong ba don marjan bad ka North Cachar Hills Autonomous Council (NCHAC) bad ka Council
Ka jingiateh soskular ka don ruh ki sienjam ba kongsan ban shim da ka Sorkar India bad Sorkar Assam ban ai jingiarap ia ki dkhot ba la wan pyndem jong ka DNLA. Haduh mynta, yn ai ia ka song jingiarap ba kyrpang na ka bynta ka roi ka par kaba mar T. 500 klur da ka Sorkar India bad Sorkar Assam ha ki san snem, na ka bynta ka jingkyntiew ia ka NCHAC kumjuh ruh ki jaitbynriew Dimasa ba sah sha kiwei kiwei ki bynta jong ka jylla.
