Shillong, Lber 04: Ha ka jingiatreilang ha pdeng ki pulit bad bad ki shipai BSF mynta ka sngi la ioh ban kurup haduh 33,000. Kilo u shini na South Garo Hills District, u shini bala ioh ban kurup dei ban la thmu ban shallan sha Bangladesh.
Ki shipai BSF na ka kynhun 200 Battlion jong ki BSF kiba don ha Meghalaya da ka jingiatreilang bad ki pulit ka jylla kila pynlong ia ka jingkhynra lang bad kila ioh ban kurup ia u shini bala buh ha kawei ka iing jah ha Rongra khappud Bangladesh.
Ha kawei pat ka jingjia katba ki shipai ki dang iaid la iohi ia kawei ka trok kaba iaid ha jan Baghmara bad ki BSF kila suba ba kane ka trok ka kit shini, haba la iohi ia ki shipai BSF u nongniah bad u nongbut kane ka trok ki la phet krad sha khlaw.
Kane ka trok kala kit shibun u shini da ka jingthmu ban phah sha Bangladesh, na ka daw jong ka jigndum ka miet kitei ki ar ngut kila ioh ban phet krad bad ki BSF kila bat iakane ka trok ha kaba la lap shibun bah u shini bad ia kane ka trok la aiti sha ki puit ban leh ia kaba don kam.
