Shillong, Nohprah 05: U Lamphang ka iing dorbar u Thomas A Sangma bad u symbut Lamphang ka iing dorbar thawain ka jylla ryngkat ki ophisar kila leit ban jngoh ia ka iing dorbar thawain ka jylla kaba don ha Mawdiangdiang ban sdang noh ia ka jingtei ia u Dome bala twa ha kane ka snem kaba la dep 2022.
Ha kane ka sngi na ka liang jong u Lamphang ka iing dorbar u la khot ruh ia ka jingialang ban ia kren kumno ban pyndep noh ia katei ka jingtrei ban shna biang ia ka Dome kaba thymmai na ka bynta ban pyndep ia ka jingtrei kham kloi.
Na ka liang jong u Lamphang ka iing dorbar la ong ba la buh ia ka thong ban pyndep ia kane ka jingtrei ha u Nailar 2024 bad ia ka dorbar Synrai yn lah ban pynlong ha kane ka iing dorbar kaba thymmai.
La ong ba ha kane ka jingialang kaba la long mynta ka sngi la khot shibun ki tnad sorkar khamtam ia ka tnad sam um jong ka jylla ban peit ba ka um ka dei ban biang ha kane ka iing dorbar kaba thymmai.
Ha kane ka sngi la khot lang ruh iaki ophisar ka tnad khlaw, ka tnad pynneh pynsah riti dustur, ka tnad IT jong ka sorkar bad na ka NIC., kane ka jingkhot ka long ban shim ia ka jingai jingmut na ki.
Haba ia dei bad u Dome, na ka liang jong u Lamphang ka iing dorbar la ong ba la dep ban pynkhuid ia kaei kaba la khyllem bad ka jingpynkhren ban tei biang noh ia ka Dome kala iaid sha khmat bad ia ki Steel kin poi mynta u bnai ne kyllalyngkot 2024.
Ka jingpyndait ia ki Steel ban shna ia ka Dome yn lah ban sdang ha u bnai Rymphang bad yn lah ban pyniaid ha u bnai Iaiong bad ia ka jingtei ia ka Dome yn tei hapoh ka jingpeit jong ka IIT Guwahati bad IIT Roorkee. Ha kane ka jingialang la ia kren ruh ia ka bynta kaba ar jong ka jingtrei.
