Shillong, Nohprah 09: Ka KSU Khliehriat Town Unit bad ka Ladrymbai Unit myn haka 8/12/2023 kila leit ia kynduh bad u Additional SP ka East Jaintia Hills u Bah Banraplang Jyrwa uba dei ruh uba khmih iaka tnat pyniaid kali halor ka jingjur palat ka jingdheng kali ha iew Ladrymbai bad iew Khliehriat naduh ka por Mynstep, mynsngi haduh jan miet kaba la jan man ka sngi.
Kum ban shu pynkynmaw ba na ka liang ka KSU EJHDU ha kine ki kyndiat bnai bala dep kala dep ban ai da ka dorkhas bad pynsgew sha u myntri ka tnat kam pohi iing u Bah Prestone Tynsong ban wanrah da ka Traffic Branch hapoh District khnang ba lah ban teh lakam bha iaka rukom pyniaid kali ha district.
Na ka liang jong ka KSU ka la ong kaba sngewsih ba haduh mynta ka sorkar ka khlem leh eiei halor kane ka jingdawa ka seng . Halor kane haba iakren bad Additional Deputy Superintendent of Police u lah pynsngew ba iakane ka mat na ka liang ka jong ki ki lah ju dawa ruh iakane.
Na ka liang ka seng lyngba u samla nongialam Chanky Shylla General Secretary Ladrymbai unit bad Samla Kyrshan Dkhar President Khliehriat town Unit ki la ai jingmut ia ka tnad traffic cell ban teh lakam ia ka jingjur palat ka dheng kali ha ka district headquarter bad iew Ladrymbai da kaba pynmih iaka jingbthah.
Kane ka long ban pyniaid noh ia ki trok thylli na ka bypass Ladrymbai PWD khnang lait na ka dheng kali ba ha ka por mynsngi ha Ladrymbai bad Khliehriat kaba ktah shisha ia ka iaid ka ieng ki paidbah bad ia ki khynnah skul bad khamtam ia ki kali fire Brigade bad ambulance ba kit nongbah na kawei ka ja ka sha kawei pat kaba lah ban wanrah ia ka jingjia ba sngewsih lada sahkut ha ka dheng kali.
Ia kane ka seng ka la ai jingmut ban leh shwa kum ka jing pyrshang bad ban peit kumno ka seisoh ne m. Ka seng ka iai ban ba ka Traffic branch ka dei ban don noh ha district khnang ba ki paidbah ka thain kin nym shah ktah.
