Shillong, Jylliew 22: U Myntri Rangbah ka jylla u Conrad K Sangma mynta ka sngi u la leit ban jurip ia ki bynta ba la shah pynjulor palat ha kane ka jinglynshop ka mariang ki jaka kiba hap hapoh jong ka South Garo Hills District.
Ha kane ka jingleit jurip ryngkat ki ophis, la leit jurip sha ki bynta jong ka Karukol sha Siju ha kaba la shnong da ka lien gar kynta bad na Siju sha Rongdong la iaid da ka kjat ar kynta shiteng ban iohi da la ki jong ki khmat ia ki jingtwa khyndew kaba la jur haduh katta katta.
Ha kane ka jingtwa khyndew ki jaka bala shna ban jngohkai ia ka krem Siju kala shah pynjulor thiaw ha ka jingtwa khyndew bad mynta ka thian siju ym lah shuh ban leit bad bad shna ia ka surok kan shim por palat ia ka shibnai.
Ha ka jingiakynduh bad ki paidbah kila pynsngew ba kum kane ka jingtwa khyndew kaba kim pat juh iohi ne kynmaw bad ka jingjulor ka long kaba la sherkhei palat, na ka liang jong u myntri rangbah u la ai ka jingkular ba ka sorkar kan shim ia baroh ki lat ki lynti ban maramot ia ki surok.
Ha shilynter jong ki surok la dap sa tang da ki maw kiba heh ba heh kiba la tyllun ha ka por ba don ka jingtwa khyndew ha ka jingther jong u slap, u myntri rangbah la leit jngoh ruh ia kiba don ha Hospital ia kiba pang ba shitom.
