Shillong, Naitung 30: Kane ka jingshlei um ha Garo Hills kala shim ia ka jingim jong ki lain gut ki briew, ar ngut ki dei ki khynnah, bad kawei ka dei ka long kmie.
Haba kren ha u SP News Agency u shongknor jong ka iing dorbar thawain ka jylla u AT Mandal u la ong ba ka um kala sdang ban hiar bad lada ka slap ha Assam kala duna kane ka jingshlei um kan sa hiar namar kane ka um kaba wan ka dei ka jingkynjat na ka wah Bramapurta.
Ki lai ngut ki briew kiba la duh ei iala ka jong ka jingim ha kane ka jingshlei um ki long u wei u khynnah shynrang u ba dang 14 snem, ka khynnah kynthei kaba dang khyndai snem bad kawei ka long kmie kaba dang 19 snem, Kane ka long kmie kala duh ei iala ka jong ka jingim ka dei na ka daw ba ka leit ban pynlait im ia la u para hynrei ka wan lap kane ka jingjia ba sngewsih ia ka.
Haba ia dei bad ki jingiarap ia ki briew kiba don ha ki jaka kiba la shna da ka sorkar la ong ba ka sorkar kala pynbiang ia ki ka bam ka um bad kidawai dashin katkum ka jingdon kam, halor ka jingong ba kam poi bha ka bam ka dei tang ka jingsngewthuh bakla ha kaba ia dei bad ki bill ba dang sah jong u snem 2014.
Ia kiwei pat ki shong kiba la shah ktah ha kane ka jingshlei um la bthah ba kin thaw ia ki committee ban sam ia ka bam ka dih shaki paidbah bad mynta ka sngi baroh kila dep ban phah ia ka kyrteng jong ki committee bad kyrmen ba la shai ka sngi kin lah ban sdang sam kane ka dei kaba ki juh leh man ka por ha ka por ba shlei um.
