Shillong, Nailur 21: Mynta ka sngi u myntri khynnah ba dei peit ia ki kam pynmih bam u Chirag Paswan la leit ban jngoh ia ka jaka dei ia ki jingbam kiba la shna ha Meghalaya ha ka jingpyninam ka World Food India 2024, bala pynlong Pragati Maidan, New Delhi.
Ia u myntri khynnah la synran da u Gunanka D. B, IFS, Joint Secretary, ka tnad ka sorkar pdeng, ha kane ka jingwan jngoh ia ka jaka dei kam ka jylla Meghalaya u myntri ka sorkar pdeng u la ai ka jingiaroh ia ki bam kiba la pynmih na kane ka jylla.
U myntri khynnah ka sorkar pdeng u la shoh biej ia ka jingleh ka sorkar Meghalaya kaba la pynmih ia ki jingbam kiba khlem pyndon km dawai sboh, halor kane u la ai ka jingiaroh ia ka jinglah ka sorkar Meghalaya, la ai mynsiem ba dang lah ban pynshlur shuh ia ka jingynmih bam.
La ong ba ka sorkar pdeng ka la pyrshang baroh ki lat ki lynti ban iarap ia ka jylla Meghalaya khamtam ha ka long ban seng ia ki jaka pynmih bam, ka sorkar pdeng ka ai jingkular ia ka jylla ba kan ai jingkyrshan.
Ha kane ka jingpyninam ia ki bam ka jylla Meghalaya kala pyni iaki 21 jait ki jait jingbam kiba la shna na ki seng ki nongrep ka jylla Meghalaya, ki mar bam ki kynthup ia u shynrai Lakadong, na ki soh niamtra Khasi, Sohtrun, bad ka sorkar ka ialeh ban kyntiew ia ki nongrep.
