Shillong, Jylliew 16: Ki kynhun pulit ba kyrpang kiba la leit ban wat ia kib hap kali ha riat wah Sohkhlur kila trei shitom lai sngi lynter bad haduh mynta ka sngi la ioh ban sei saw ngut kiba khlad bad kaba dang sah mynta dei ka kmie bad I khunlung kaba ki pulit ki dang wat.
Na ka liang jong ki pulit kila trei shitom wat ha pdeng ka jingjur jong u slap hynrei kila hiar sha ki riat jong katei ka jaka ban wat ia kiba dang jah ha kane ka jinghap kali, haduh mynta ka jan miet ki dang wat ia ka kmie bad ikhunlung kaba kim pat lap haduh mynta.
Kane ka jinghap ka kali kaba shong kitei ki briew kala jia ha ka 13/6/2023, la pyntip sha ki pulit jong ka Mawsynram ha ka 14/16/2023 bad haduh mynta ka sngi la ioh ban sei saw ngut.
Ka jingjur jong u slap naduh ka 13/6/2023 haduh mynta ka sngi kala buh ia ki briew kiba leit ban wat khamtam ia ki pulit kiba kyrpang kiba la hiar na Shillong sha Mawsynram ban wat ia kiba hap kali kiba dei na ka shnong Thiedieng.
