Shillong, Lber 01: Ka FKJGP Mawsynram Circle ka dap daka jingsngewkhia kaba khraw halor ka jingieh shrah jong ki bor Sorkar iaka Training-cum-Production Centre (TCPC) kaba don hapoh Mawsynram.Kane ka Centre kadei kawei naki jaka Training kaba la rim tam hapoh ka jylla Meghalaya kaba la don naduh kipor kiba ka Jylla Meghalaya kadang hap hapoh ka jingsynshar jong ka Sorkar Assam.Ha kipor kiba mynshuwa eh kane ka Trainning Centre ka long kaba la ai ia shibun ka jingmyntoi iaki khynnah samla kiba leit ban pule hangtei hynrei mynta pat katba dang iaid ki sngi ki por ngi iohi ba kam da treikam shuh kumba long hakipor bala leitnoh.
Haka jingleit iakynduh jong ka seng ia U Director jongka Commerce &
Industries Centre jongka Sorkar jylla Bah W.Langstang ula kubur ban shim
khia bad ban pynbha pat iakane ka Centre hapoh Mawsynram bad ban thung ruh iaki Instructor kiba biang pura.Shuh shuh nakaliang jongu ula pynpaw ba ka jingdkoh jongka jingtreikam hakane ka Centre kadei nakadaw ba ki duna palat ki Instructor kiban ai iaka jingshakri iaki khynnah kiba wan ban shah hikai hakatei ka jaka.
Na kapor sha kapor ngiju iohi ba nakaliang jong ka ophis jong u
General Manager DCIC East Khasi Hills kaju khot aplication iaki khynnah ban wan trainning hakatei ka jaka hynrei ynda haba ngipeit pat ka shu kut tang haka jingkhot aplication khlem da don ki khynnah kiban wan shah hikai hangtei.
Naka liang ka Seng haba ka leit ban jurip dala ki khmat iakatei ka
jaka kalong kaei kaei kaba sngewsih ban pynpaw ban iohi ba kadon tang ka
kyrteng khlem ki nongtrei kiba pura,ka office building,ki jaka sah bad
kiwei kiwei ki la kylla long tangkum ki jaka rieh tngen jongki blang ki
masi bad teng lah ban ong badon ki briew kiba pynlong iakatei ka jaka kum
ka sem ri jingri.
Kumta ka Seng ka kyntu jur iakibor badei peit jongka Sorkar Jylla
ban shimkhia bad ban leh eiei kham kloi haka ban pynbha bad bad pyntreikam iakatei ka trainning centre khnang ba kanlong ka jingkyrkhu iakito ki briewkiba don ka jingangnud hakatei ka thain ba kinioh ban seng iala kijong kikam ynda kila pass naka trainning nakatei ka jaka.Nakaliang ka Seng kala phah ruh iaka jingthoh sha u Principal Secretary jongka Sorkar Jylla ban iarap hakaban shimkhia lem iakatei ka kam.(SP News)
