Shillong, Kyllalyngkot 09: Ki pulit jong ka Mawsynram katba ki dang pynlong ia ka jingap ktem ha surok ban talasi ia kiba leit ban wan kila ioh ban pynsangeh ia ki lai ngut ki briew kiba niah bike ha kaba u wei na ki nongniah u la pyrshang ban phet.
Haba la ioh ban bat ki pulit ka Mawsynram kila ioh ban bat lai tylli ki bike, kawei kaba don ia u number AS19 N 8664 kaba dei na jylla Assam, katba ka bike no. ML 05AD 3852 bad ka bike no. ML05 AE 1218 kine baroh ar tylli ki dei na Meghalaya la ioh ban bat ia ki.
Ha kane ka jingjia u wei na ki nongniah ia ka bike u la ieh ia ka bike bad phet krad ia lade ban lait na kti ki pulit katba ki pulit kila ioh ban kem ar ngut ki briew, kiba la shah kem wei la tip kyrteng kum u Sengku M Marak 24 snem bad u Cornalius Mukhim, 18 snem.
Ki thymmei khubor ki iathuh ba bun ki bike kiba la thuh na Assam bad Meghalaya la die ia ki sha Bangladesh, kane ka jingshah tuh ki bike ka jyllei bha ha Assam bad Meghalaya .
