Shillong, Lber 12: Ka jingiaknieh tiket na ka seng Congress na ka 1-Shillong parliamentary seat kala kut mynta ka sngi ha kaba ka party kala shim ia ka rai ban ai ia u MP ba mynta u bah Vincent H Pala.
U myntri ka tnad khlaw u Bah Prestone Tynsong haba kren ha u SP News Agency u la ong ba la rai ban ai ia ka tiket sha u bah Pala kane ka long kaba ki laioh ia ka jingtip hynrei ia ka jingpynmih ia ka jingpynbna na ka seng congress kim pat ioh.
Kane ka jingiaknieh tiket kala long kaba jur bha hapdeng ki kyrtong ka seng Congress khamtam eh na ka liang jong u Bah RV Lyngdoh MLA jong ka Mylliem hynrei haba la shim ia ka sur jong u paidbah na ka liang jong ki nongialam ka seng Congress kila shim ia ka rai ban ai sha u bah Pala.
Katba na 2-Tura Parliamentary seat, wat la ka seng Congress ka la dep ban pynmih ia ka jingpynbna jong ka ia ka kyrteng jong u Zenith Sangma u para jong u myntri rangbah ka jylla u Dr Mukul Sangma hynrei kala pynkylla noh bad ai sha u Daryl William Cheran Momin.(SP News)
