Shillong, Nohprah 16: Ka seng ki nonghikai SSA kiba khlem pat shah pyntbit kyrpang ha ki kam hikai ia kaba la tip kum ka All Meghalaya SSA School Teacher Association (AMSSASTA) kila ioh ia ka jingbit na ki bor jong ka District Administration ban pynlong ia ka jingiakhih ka jong ki da kaba shong kyllain mungor hakhmat jong ka Additional Secretariat ha ka 20 tarik mynta u bnai.
U Bah L Marngar general secretary jong ka seng ha ba pyntip sha u SP News Agency u la ong b aka seng kala shim ia kane ka rai ka long ban dawa na ka sorkar ba baroh ki nonghikai SSA ha ki LP school bad ki UP School kyntup ia u nonghikai u ba saw ki dei ban ioh mar ia ryngkat ka tulop.
Kum ka seng kam lah ban pdiang ia kane ka jingleh jong ka sorkar mynta ban pynkiew tang ia kiwei ki nonghikai ha ka juh ka kam katba ia kiwei pat k aka rukom pynkiew kami a hap. Ka sorkar kala kyntait ia ka jingpnkiew tulop jong ka sorkar bad ka dawa ba dei ban siew kumba la pdiang da ka MHRD jong ka sorkar pdeng.
Kane ka jingiakhih ban shong kyllain mungor kan long na ka bynta jong ki nonghikai kiba don sha ki Lum khasi bad na ka liang jong ki nongialam kiba la lum Garo ruh ki lah ban poi lang tang ba long tang ki nongialam, na ka liang jong ka AMSSASTA ha Garo Hills kila dep ban pynlong ia ka Peace Rally mynnin ka sngi ha Tura.
