Shillong, Lber 17: Ka Indian Railway ka dang iaid bran bran ban long ka Net Zero Carbon Emitter shuwa u snem 2030. Ha ka jingpyrshang ban pyndep ia ka jingpynkyllabordingelektrik, ka Northeast Frontier Railway ka la kot sa sha uwei u mawmer da kaba sdang pyntreikam ia ka Dudhnai – Mendipathar (22.823 Track Kilometre).
Kane ka long na ka bynta single line bad Abhayapuri – Pancharatna (34.59 Track Kilometre) bynta double line ha ka 15 tarik u Lber, 2023. Ka Central Organization for Railway Electrification (CORE) ka la pyntreikam ia ka jingpynkyllabordingelektrik ha kine ki bynta.
Ka Mendipathar ka long tang kane hi ka steshonrel ha ka jylla Meghalaya kaba la treikam naduh u 2014 hadien ba la plié paidbahia ka da u Myntri Rangbah Duh jong ka ri.Hadien ba la sdang pyntreikam ia ka traction bordingelektrik, ki rel ba tan da ki locomotive bordingelektrik mynta kin lah ban treikam na Mendipathar ha Meghalaya bad kane kan pynstet shuh shuh ia kine ki rel.
Yn lah ban pyniaid shuh shuhia ki rel kit mar bad ki rel kit briew ha kine ki bynta ha ka rukom kaba stet. Ka jingpoi biang por ki rel ruh kankiew ha kane ka bynta. Ki rel kit mar kiba tan da ki locomotive bordingelektrikna kiwei kiwei ki jylla ki lah ban poi mynta sha Meghalaya.
Ka jingpynkyllabordingelektrikkan kyntiew ia ka jinglahiaid ki rel ha ka thain shateilammihngi. Ha ryngkat ka jingpyndun ka jingpynjakhliaia ka mariang namar ka jingkylla na ki umphniang sha ka bordingelektrik, ka jingiaid ryntih jong ki kam rel ha kane ka thain ruh kan kiew bha.
Kane kan plié lad ia ka jingiaid beit ki rel bad tyngkai ia ka por haba iaid ki rel sha bad na ka thain shateilammihngi ha ryngkat ka jingtyngkai ha ka foreign exchange kaba kongsan bha.
