Shillong, Jylliew 09: U myntri rangbah ka jylla u Conrad K Sangma mynta ka sngi u la pyntip ha ka X jong u ba ki pulit ka jylla Meghalaya kila ioh bam kem lai ngut ki briew kiba la suba don kti ban pyniap ia u Raja Raghuwanshi baroh kidei na Madhya Pradesh.
Ha ka X umyntri rangbah ka jylla u la pynpaw ia ka jinglah jong ki pulit ba hapdeng 7 sngi kila ioh ban kem lai ngut ki briew kiba la suba ba don kti ban pyniap ia u Raja Raghuwanshi ha Sohra, ka Sonam Raghuwanshi kala pyndem ha khmat ki pulit jong ka Utter Pradesh bad dang thwet sa ia u wei pat.
UMyntri rangbah ka jylla u la ai ka jingkhublei kaba kyrpang ia ki pulit kiba la lah ban kem ia kiba la suba ban pyniap ia u Raja ha ka jingwan kai ka jong u sha Shillong bad leit sha Sohra, Ka jingtrei shitom jong ki pulit kala lah ban weng ia ka jingdum halor ka jingshah pyniap u Raja.
U Raja Raghuwanshi nad ka Sonam Raghuwanshi ki shikurim ha dien bala dep ban iathih kila wan kais ha Meghalaya ha ka 21/5/2025 bad ki la leit sha Sohra bad ha ka 23/5/2025 kiba ha iing ha sem kim ioh shuh ban ia kren bad ki bad kane kala pynlong ban wat ia ki bad ha ka 2/6/2025 la lap ia ka met u Raja na riatarliang ha Sohra.
Ki pulit ka jylla bad ki paidbah ka thain kila ia wad ia ka Sonam kaba dang jah hynrei ym shym la lap satia ia ka bad dei haduh mynta ka sngi ba ki pulit ka jylla kila ioh ban kem iaki lai ngut kiba la suba ba don kti ban pyniap ia u Raja.
