Shillong, Nailur 11: Mynta ka sngi katba ki pulit jong ka Ri Bhoi District ki dang pynlong ia ka jingiaid pahara ki dang don ha surok, ar ngut kiba niah ia ka kali Bolero Pickup u Abu Sadek bad MD. Dildar Hussain kiba dei na Morigoan District Assam kila ujor ba kila shah lute.
Ha kane ka jingujor kila pyntip ba ha katei ka por ba jia ki dang wan kiew sha Nongpoh bad kine kiba lute ki don ha ka kali AS 01FN 4202 Alto ha shnong Shangbangla kila knieh ia ki mobile bad ka pisa na ki bad kila shoh la dat ia ki.
Mar ia ioh ia kane ka jingtip la pyntip mar mar sha baroh ki pulit ba don ha ki jaka jaka bad u wei u Pulit SI u la ioh katei ka kali ha Paham Syiem na kane ka kali ioh ban kem ia u Ricky Tangsang bad ia u Mustafa Lyngdoh la lait phet.
Da ka jingiarap jong ki pulit bala buh kyrpng la ioh ban kem ia u Mustafa Lyngdoh bad ar ngut kiwei ki riew sniew la ioh kem lang ia kine baroh la register ia ka mukotduma ha Nongpoh Police Station Nongpoh PS C/No. 101(09)2024 U/s 126(2) /309(4) /115(2) /351(3) BNS.
Ki saw ngut kiba la shah kem ki long u Mustafa Lyngdoh, 32 snem na Umlyngkdait, u Ricky Tangsang, 26 snem na Nongpoh, u Kyrshanbor Marwein 22 snem na Mavwroh, u Shem Warjri, 27 snem na Umsning Proper A kine baroh ki dei na Ri Bhoi District.
Ki pulit kila ioh ban kurup kawei ka kali Baleno kaba ym pat don number, ka kali Alto ronglieh kaba don ia u number AS 01 FN 4202, na kine ki saw ngut la ioh ruh ban kurup ka pisa T.7650/- tyngka.
