Shillong, Naitung 21: Ki shipai BSF mynta ka sngi kila ioh ban kem ar ngut ki briew bad na ki la ioh ban kurup T.47,000/- tyngka ki lut san spah kiba dei ki pisa thok kiba la shna ha ri Pakistan, ia kine ki ar ngut la kem na khappud bad ka Bangladesh ha South West Khasi Hills District jong ka jylla Meghalaya.
Ki shipai BSF kila ong ba kine ki ar ngut kiba la shah kem ki dei ki nong Indiam u wei la tip kyrteng kum u BIswajit Paul bad u wei pat u Marmush Marak baroh ar ngut ki dei kiba shong hapoh jong ka South West Khasi Hills District jong ka jylla Meghalaya.
Ki BSF kila ong ba kine pisa thok kiba la ioh ban kurup na kitei ki ar ngut ki nong India ki dei kiba la shna ha ri Pakistan, na ka liang jong ki BSF kila long kiba peitngor bad ba ki la pyrkhing ha khappud ban peit ba kannym don kano kano ka jingiakhaii tuh.
