Shillong, Risaw 20: Ka jing wan rah nam bad burom jong ar ngut ki khynnah kiba dei naka shnong Smit East Khasi District u Lamphrang kharsahnoh bad u Pynnehbor Mylliemngap iaka Ri bad ka jylla Meghalaya baroh kawei bad ruh ia ka Ri India da kaba jop bad khur takma Ksiar haka jingjop Jeet-kune-do Championship kaba la long ha Ri Sri Lanka naduh ka 14 haduh 16 tarik u bnai october 2016.
kadei ka jingsarong ia ka jaitbynriew. Ka seng ka pynpaw ka jingsngew sarong kaba khraw bad ka ai khublei kyrpang ia kine ki rang kynsai, ia ki kmei ki kpa jong ki, ki nongai jinghikai. Ka seng ka pynpaw ka jingsngewkhia halor ka jing bymlah jong ka sorkar pdeng bad khamtam ka sorkar jylla ba ai ka jingithuh ka ba kyrpang ia kum kine ki samla ki ba la rah ia ka burom jong ka jylla.
Ka sorkar jylla ka dei ban ai burom ia ki lane buh da ka program ba kyrpang ban pdiang sngewbha ia kum kine ki samla bad lehse lada ka sorkar ka ai ka jingithuh ba kyrpang, kan long ka jing ai mynsiem ia kiwei pat ki samla ban minot bad ban jam sha khmat. Ka long kaba duh mynsiem ban iohi ba ka sorkar bad ki paidbah ki khih win haka por u Amit Paul hynrei haba ki paradoh para snam jong ngi ki wanrah ka burom ba kham khraw ka sorkar ka ioh thiah.
La bun sa tang ki tamasa dih tamasa bam kum ki bear fest, ki woodstock bad kiwei ki ba wanrah ka jingioh nong ia tang ki katto katne hynrei ka pynjot pat ia kiba bun balang. Ka seng kadaw jur ba ka Sorkar Jylla kan phai khmat kyrpang bad kyrkieh noh sha ki samla jong ka jylla kiba dei ki budlum jong ka ti bad ka jaitbynriew baroh kawei, shwa ba ki budlum kin tlot kin swai kin duh mynsiem.
