Maligaon, Lber 31: K kynhun pulit kiba dei peit kyrpang ban ia da ia ki rel kiba la tip kum ki Railway Protection Force (RPF) jong ka N. F. Railway, kila ioh ban kurup Ganja bad kem saw ngut ki nongkhaii beain.
U Ganja bala ioh kem u la kot sha ka 91 kilo bad ka dor jong u kala kot sha ka T.9.19 lak tyngka ia u tei Ganja la ioh ban kurup napoh rel, ka jingioh kurup kaba nyngkong dei na rel kaba wan na Agartala kaba la ioh ban kem ha Lumding Railway Station bad la ioh ban kem ar ngut ki briew bad 39 kilo u Ganja bala shongdor T.3.90 Lak bala thep bha hapoh pla.
Ki pulit RPF kila ioh ban kurup 15.5 kilo u Gajna na Rangiya ba shong dor T.1.55 lak ia u Gnaja dei ba la buh ha kawei ka pla khlem don briew, ha Dharmanagar laioh ban kurup 37.4 kilo ba shong dor haduh T.3.74 lak tyngka ia une u la buh ha ka pla khlem don briew ba don ha jan.
Na ka liang jong ki RPF ha dien la ioh na kem ar ngut ki briew kiba dei trai jong u tei u Ganja. Kane ka jingkhynra jong ki pulit ka RPF ka long ban iada ia ki jingdon jingem jong ki nongleit nongwan bad ha ka juh ka por ban khanglad ia ki nongkhaii beain.
