Shillong, Iaiong 20: Ki shipai BSF mar ia ioh ia ka jingtip ba don ki briew kiba har ia ki masi sha khappud bad ka Bangladesh kila pynlong ia ka jingap ktem bad khang kdong bad ha kane ka jingleh kila ioh ban kurup baroh ki masi kiba la don haduh 69 tylli na khappud bad ka Bangladesh.
Ki BSF kila ong ba ki briew kiba ym lah ban tip kila har ia ki masi sha khappud bad ka Bangladesh bad la buh ia ki ha khlaw da ka jingthmu ban phah sha Bangladesh, hynrei kane ka jingtrei shitom ki shipai BSF la ioh ban kurup ia ki.
Kane ka jingiakhaii masi sha Bangladesh ka jyllei palat na khappud bad ka East Khasi Hills District bad na ka liang jong ki shipai BSF kila dang pynkhlian shuh shuh ia kane ka jingpahara ban pynthikna na ki kam beain kin nym ioh lad ha khappud Bangladesh.
Na ka liang jong ki BSF ha dien ba kila dep ban leh ia kaba don katkum ka ain kila aiti noh sha bor jong ki pulit ban leh ia kaba don kam ka ain ia ki masi kiba la ioh ban kurup da ki shipai BSF.
