Ioh kurup ki pulit ka EJH District 650 kilo u Dynamait na shnong Jalaphet, kem 4 ngut

Shillong, Kyllalyngkot 17: Ki Pulit jong ka East Jaintia Hills District kila ioh ban kurup 650 kilo u jingsiat Dynamait na shnong Jalaphet bad ki pulit kila ioh ruh ban kem saw ngut ki briew, kiba la shah kem ki long u Point Chyrmang 30 snem, u Nikalai Chyrmang 21 snem, u Mij Chyrmang 22 snem bad u Shanbor Chyrmang 22 snem.

Ki pulit jong ka East Jaintia Hills District ha dien bala ioh jingtip ba ki don ki briew saw ngut ei ei bad ka don ka jingsuba ia ka rakom iaid jong ki ha jan khlaw jong ka shnong Jalaphet ha East Jaintia Hills District ki rah ia ki jingsong synduk kot bad ki.

Na ka liang jong ki pulit ha dien ba kila ioh jingtip ia kane kila phah ia ki pulit ban khynra ia katei ka khlaw hapoh jingialam jong u additional Superintendent ki pulit u bah B Jyrwa bad  ar ngut ki pulit Sub Inspector u bah K Pdahkasiej ba dei peit ia ka Umpleng bad u B Marbaniang ba dei peit ia ka Saipung PS.

Ha kane ka jingkhynra ia katei ka khlaw la shemba ki don saw ngut ki briew kiba la thiah hapoh sem masi, ki pulit kila leit ban kyrsiew ia ki bad ha kane ka sem masi ki don ki synduk kot bad haba la plie ia ki la shem ba ki don ki Dynamait bad haba la peit bniah la lap ba ki don 26 synduk ba don ki Dynamaiut bad 4 synduk ki tikli.

Na ki 26 tylli ki synduk  ka ja Dynamait ka don haduh 650 kilo bad na ki saw tylli ki synduk la shem ba ki don 200 ki Tikli ban pynbethei, na kine ki briew la ioh ban kurup saw tylli ki mobile. Ia ka ejahar la register hapoh Saipung Police Station bad la nishan ia ki ha ki kyndon ain bapher bapher.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet